Oğurluq etdiyinə görə tutuldu - Digər cinayət əməli də aşkar edildi

Oğurluq etdiyinə görə tutulan Sabirabad rayon sakininin digər cinayət əməli də aşkar edilib.

AzNews.az Daxili İşlər Nazirliyinin saytına istinadən xəbər verir ki, Sabirabad RPŞ əməkdaşlarının həyata keçirdikləri əməliyyat-axtarış tədbirləri nəticəsində yanvarın 9-da rayon sakini Ənvər Ağababayevə məxsus mağazadan 3 ədəd fotoaparat oğurlayan həmyerlisi Təhmasib Hüseynov tutulub. Ətrafında aparılan əməliyyat tədbirləri ilə onun, şəhər sakinləri Elvin Zeynalov və Vüqar Bagırovla birgə Şahin Musayevə məxsus ofisdən pul və məişət əşyaları oğurlamaları da müəyyən edilib.

Həyata keçirilmiş tədbirlərlə E.Zeynalov və V.Bagırov da tutulublar.