Balıq və kürü bahalaşdı: qiymətlərdə şok artım

Bakıda balığın və balıq məhsullarının qiyməti qalxıb.

AzNews.az xəbər verir ki, balıqların qiymətində yay aylarına nisbətən 2-4 manat artım müşahidə olunub. Satıcılar bunun səbəbini balığın topdansatış qiymətinin artması ilə əlaqələndirirlər.

Salyan sakinləri bildiriblər ki, hazırda kürünün bir kiloqramının topdansatış qiyməti növündən asılı olaraq 1400-2200 manat arasında dəyişir. Nərə, ağ balığın 1 kiloqramı 50-55 manat, damba balıqlarının 2,5-3 manat, çəki balığının, keyfiyyətindən asılı olaraq 4-5 manat, kanal və ya Kür çəkisinin 1 kiloqramı isə 7-8 manat arasındadır.

Sakinlərin sözlərinə görə, həmişə olduğu kimi bu mövsümdə də ziyad və çəkiyə olan təlabat artmaqdadır. Bu balıq növləri isə hazırda bazara çıxarılmayıb, 10-15 gündən sonra satışda olacaq.

Sakinlər ötən mövsümlə müqayisədə alıcılıq qabiliyyətinin aşağı düşdüyünü də qeyd ediblər.

Bahar RÜSTƏMLİ
AzNews.az