Sərnişin avtobusları ilə bağlı reyd

Yol polisi Bakıda növbəti reydlərə başlayıb.

Bakı Şəhər Dövlət Yol Polisi İdarəsinin İctimaiyyətlə əlaqələr şöbəsinin rəisi Vaqif Əsədovun verdiyi məlumata görə, reydlərin keçirilməsində əsas məqsəd sərnişin avtobuslarının qanunla qadağan olunan yerlərdə saxlanmasını aşkar etməkdir.

Nərimanov prospektində keçirilən reyd zamanı 2 avtobus sürücüsü müvafiq kateqoriyası, 1 sürücü isə sürücülük vəsiqəsi olmadan nəqliyyat vasitəsini idarə etdiyi üçün avtomobillər cərimə meydançasına aparılıb. Bundan başqa, 25 taksi sürücüsü avtobus dayanacağında nəqliyyat vasitəsini saxladığı üçün cərimə olunub.

AzNews.az