Külək enerjisi istehsalı artıb - Dövlət Statistika Komitəsi

Bu ilin yanvar-avqust ayları ərzində Azərbaycanda günəş enerjisi ilə işləyən stansiyalar tərəfindən 27,6 mln. kVt/saat elektrik enerjisi istehsal edilib.

AzNews.az Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 4,5% azdır. Hesabat dövründə küləklə işləyən stansiyaların istehsalı 2,7 dəfə artaraq 24,2 mln. kVt/saat təşkil edib.

İlin ilk 8 ayında ölkədə istilik elektrik stansiyaları istehsalını 2,4% artıraraq 13 548,7 mln. kVt/saata çatdırıb. Bu müddətdə su elektrik stansiyalarının enerji istehsalı isə azalıb. Belə ki, yanvar-avqust ayları ərzində su elektrik stansiyalarının enerji istehsalı 0,6% azalaraq 1 324,2 mln. kVt/saata çatıb. (azvision.az)

AzNews.az