Bakıda erməni dili dərsliyi nəşr olunacaq

Bakıda erməni dilinin tədrisi ilə bağlı kitab nəşrə hazırlanır.

Kitabın adı "Başlanğıc səviyyədə erməni dili" olacaq. Belə bir tədris vəsaitinin hazırlanmasına "Neo Dədə Qorqud fikir bloqu" təşəbbüs göstərib.

Bu barədə "azadliq.info"ya məlumatlı mənbədən bəlli olub. Mənbə kitabın üz qabığının eskizini də "azadliq.info"ya təqdim edib.

Mənbənin sözlərinə görə, kitab sentyabr ayının sonlarına qədər hazır olmalı və təhsil ocaqlarına, əsasən də Bakı Dövlət Universitetinə paylanmalıdır.

Kitabla bağlı rəsmi qurumların mövqeyi və onun hansı mətbəədə çap olunacağ hələlik bəlli deyil.

AzNews.az