- Köhnə - Cəmiyyət
- 1 Avqust 2015 09:50
- 8 424
"Kömək edin, qardaşımı sulardan alaq" - Tacir

Müğənni Tacir Şahmalıoğlunun qardaşı Mahir Allahverdiyevin dənizdə batmış meyitinin axtarışları bir azdan davam etdiriləcək.
Bu barədə AzNews.az-a müğənninin özü məlumat verib.
Onun sözlərinə görə, axtarışlar dünən axşam saatlarına kimi davam edib. Lakin qaranlıq düşdüyündən xilasedicilər əməliyyatı dayandırıb: "Hazırda hadisə yerindəyik, xilasediciləri gözləyirik. Allahdan tək istəyim qardaşımın meyitinin tapılmasıdır".
T.Şahmalıoğlu bu işdə təcrübəsi olan hər kəsdən kömək istəyib: "Bizə kömək edin, qardaşımın meyitini sulardan alaq".
Qeyd edək ki, müğənninin 36 yaşlı qardaşı Mahir Allahverdiyev iyulun 31-də Novxanı çimərliyində batıb. Xilasedicilərin axtarışlarına baxmayaraq onu tapmaq hələlik mümkün olmayıb.
Bahar RÜSTƏMLİ
AzNews.az