Bu kimi hadisələrin vətəndaşların həyatı üçün təhlükə törətdiyi vurğulanıb Bu kimi hadisələrin vətəndaşların həyatı üçün təhlükə törətdiyi vurğulanıb

Qarabağdan Ermənistana qanunsuz silah gətirilməsi halları artıb

Bu kimi hadisələrin vətəndaşların həyatı üçün təhlükə törətdiyi vurğulanıb

Qarabağda gedən müharibə zamanı insanlara xeyli sayda silah-sursat verilməsi döyüşlər bitəndən sonra onların qeyri-qanuni dövriyyəsi təhlükəsini yaradıb.

AzNews.az APA-ya istinadən verdiyi xəbərə görə, bu barədə Ermənistan Baş Prokurorluğu məlumat yayıb.

Baş Prokurorluq buna sübut kimi Qarabağdan Ermənistana qanunsuz silah gətirilməsi ilə bağlı çoxsaylı faktları və bu faktlar əsasında başladılmış cinayət işlərini əsas gətirib: “Müharibə bitəndən sonra Ermənistanda baş verən hadisələr, onlarla bağlı olan cinayətlər, o cümlədən ictimai çıxışlarda, habelə dekabrın 5-i Azadlıq meydanındakı çıxışlarda silahların qanunsuz istifədəsi ilə bağlı çağırışlar cinayət riski yaradır”.

Bu kimi hadisələrin vətəndaşların həyatı üçün təhlükə törətdiyi vurğulanıb.

Bununla əlaqədar Ermənistanın Baş Prokuroru Artur Davtyan Milli Təhlükəsizlik Xidməti və Ermənistanın Polis rəisinə məktub yollayaraq təxirəsalınmaz cinayət-axtarış tədbirlərinin həyata keçirilməsini təklif edib.