Ermənistan tərəfi işğaldan azad olunan digər ərazilərin mina xəritələrini Azərbaycan tərəfinə təqdim edib Ermənistan tərəfi işğaldan azad olunan digər ərazilərin mina xəritələrini Azərbaycan tərəfinə təqdim edib

Azərbaycan 10 erməni hərbçini Ermənistana təhvil verib

Ermənistan tərəfi işğaldan azad olunan digər ərazilərin mina xəritələrini Azərbaycan tərəfinə təqdim edib

Azərbaycan Respublikası humanizm prinsiplərini əsas tutaraq 4 dekabr 2021-ci il tarixdə 10 nəfər erməni əsilli hərbi qulluqçunu Ermənistan tərəfinə təhvil verib.

Aznews.az xəbər verir ki, təhvil verilmiş şəxslər 16 noyabr 2021-ci il tarixində Ermənistan silahlı qüvvələri tərəfindən dövlət sərhədinin Kəlbəcər istiqamətində törədilən təxribatın qarşısı alınarkən saxlanılıblar.

Qeyd olunmalıdır ki, humanizm prinsiplərinə sadiq olan Azərbaycan Respublikası bir müddət öncə 26 noyabr 2021-ci il tarixində erməni əsilli bir mülki şəxsi və bir hərbi qulluqçunun Ermənistan tərəfinə təhvil verilməsini təmin edib.

Eyni zamanda aparılmış danışıqlar nəticəsində Ermənistan tərəfi Azərbaycan Respublikasının işğaldan azad olunan digər ərazilərinin mina xəritələrini də Azərbaycan tərəfinə təqdim edib.