Putinlə Ərdoğan arasında telefon söhbəti olub

Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında telefon danışığı olub.

AzNews.az-ın rus mətbuatına istinadən məlumatına görə, tərəflər BMT Baş Assambleyasının Qüdslə bağlı son qətnaməsini müzakirə ediblər.

Prezidentlər Fələstin-İsrail münaqişəsinin beynəlxalq hüquq normaları çərçivəsində və Fələstin xalqının müstəqil dövlət yaratmaq hüququnun təmin olunması əsasında həllinə bundan sonra da yardım edəcəklərini təsdiqləyiblər.

Telefon danışığı zamanı BMT Baş Assambleyasında ABŞ-ın Qüdslə bağlı qərarının hüquqi qüvvəyə minməməsindən məmnunluq ifadə edilib.