Rusiyada 5 koreyalı fəhlənin meyiti tapıldı

Rusiyanın Ufa şəhərindəki tikintidə Şimali Koreyadan olan 5 nəfərin meyiti tapılıb.

AzNews.az-ın dünya mətbuatına istinadən verdiyi məlumata görə, Rusiyanın cənubunda yerləşən tikinti şirkətində Şimali Koreyadan olan fəhlələrin meyitləri aşkar olunub.

Rusiya mediası onların isinmək üçün yandırdıqları kömürdən çıxan qazla zəhərlənə biləcəklərini yazıb.

Qeyd edək ki, Rusiyada Şimali Koreyadan olan 37 min fəhlə çalışır. Onlar əsasən tikintidə, eyni zamanda əkinçilik və balıqçılıq kim sahələrdə işləyirlər.