Trampı üzbəüz görüşə çağırdılar

ABŞ prezidenti Donald Trampın seçkidəki qələbəsində Rusiyanın əli olduğuna dair iddianı araşdıran müstəntiq Robert Müller ölkə başçısını üzbəüz istintaqa çağırıb.

Aznews.az “CNN International”a istinadən bildirir ki, son günlərdə Tramp və tərəfdarlarının Rusiya məsələsi ilə bağlı narahatlıqları artıb. Bunun səbəbi isə Rusiya ilə bağlı araşdırmanın Tramp hakimiyyətinə zərər vura bilməsidir.

ABŞ prezidenti ədliyyə naziri Cef Sessionsa məhkəmənin sonlandırılması üçün sərt çağırış göndərib.

Qeyd edək ki, Donald Trampın vəkilləri prezidentin istintaqla bağlı suallara yazılı cavab verməsini istəmişdilər.

Nurlan AĞA
Aznews.az