ABŞ İranla bağlı qadağanı aradan götürdü

Bu gündən etibarən ABŞ İrana mobil telefon və kompüterlərin satışına qadağa qoyan sanksiyanı ləğv edib. APA-nın "Oyannews"a istinadən verdiyi məlumata görə, bunu ABŞ dövlət katibinin müavini Vendi Şerman bildirib.

V. Şerman qeyd edib ki, ABŞ İrana qida məhsulları və dərmanların satışına qadağa qoyan sanksiyaları da qaldırmağa çalışır: "Müasir texnologiyalardan istifadə İran xalqına ehtiyaclarını ödəmək üçün daha yaxşı və sürətli ünsiyyət imkanı verir. ABŞ prezidenti Barak Obama arada "dəmir pərdənin olmasını istəmir".