Misir Türkiyə filminə “veto” qoydu

Film festivalları içərisində əhəmiyyətli yeri olan və sentyabr ayında 29-cu dəfə keçiriləcək "İskəndəriyə Film Festivalı"nda Türkiyə filminin iştirakına veto qoyulub.

AzNews.az xəbər verir ki, festivala "Lal Gecə" adlı filmlə qatılan Türkiyənin iştirakı ləğv olunub.

Məlumata görə, filmin ərəb və ingilis altyazısı hazırlanıb göndəriləcəyi gün festival koordinatoru Jihai Abdel Latif tərəfindən veto xəbəri göndərilib.

Göndərilən e-maildə deyilir:

"Türkiyə-Misir arasındakı siyasi gərginlik səbəbindən filminizi yarışma hissəsindən və festival proqramından çıxardığımızı kədərlənərək bildiririk. Ümid edirik ki, bizi anlayışla qarşılayacaqsınız."


Əli Rais Hüseynli
AzNews.az