Həbsdən yeni çıxan gənc fəala xuliqanlıq ittihamı

Azad Gənclik Təşkilatının üzvü, gənc fəal İlkin Rüstəmzadəyə xuliqanlıq maddəsi ilə ittiham irəli sürülüb. AZNEWS.AZ-ın məlumatına görə, İ.Rüstəmzadəni Nəsimi rayon məhkəməsinə aparıblar. Onun haqqında həbs-qətimkan tədbirinin seçiləcəyi gözlənilir.

Məlumata görə, gənci Bulvarda "Harlem Shake" videosu çəkdiklərinə görə xuliqanlıqda ittiham edirlər.

Qeyd edək ki, İlkin Rüstəmzadəni bu gün Ağır Cİnayətlərə dair İşlər üzrə İstintaq İdarəsinə çağırmışdılar. O, "N!DA"çı gənclərin işi bağlı istintaqda şahid qismində ifadə verməli idi.

İlkin Rüstəmzadə Cinayət Məcəlləsinin xuliqanlıq əməlini nəzərdə tutan 221.1.2 və 221.2.2 maddələri ilə təqsirləndirilir

Anar
AzNews.az