Külək beşmərtəbəli binanın dam örtüyünü qoparıb - Sakinlər təhlükədə

Bakıda güclü külək yaşayış binasının dam örtüyünü qoparıb.

AzNews.az - ın Fövqəladə Hallar Nazirliyinin (FHN) saytına istinadən verdiyi məlumata görə, paytaxtın Nəsimi rayonunda güclü küləyin əsməsi nəticəsində beşmərtəbəli yaşayış binasının dam örtüyünün bir hissəsi qoparaq, binanın sakinlərinə təhlükə yaradıb.

Dərhal FHN-in müvafiq xilasetmə qüvvələri hadisə yerinə cəlb olunub.

Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaranmış təhlükəni aradan qaldırıblar.

AzNews.az