"Topaz"dan 3700 manat pul oğurlandı

Bakıda "Topaz" mərc oyunları məntəqəsindən 3700 manat pul oğurlamış şəxs tutulub.

Daxili İşlər Nazirliyindən (DİN) AzNews.az-a verilən məlumata görə, Bakının Suraxanı rayonunda, Yeni Günəşli qəsəbəsi ərazisində vətəndaş Elxan İskəndərova məxsus "Topaz" mərc oyunları məntəqəsindən qapının qıfılının sındırılması yolu ilə 3700 manat pul oğurlanıb. İlkin əməliyyat-axtarış tədbirləri nəticəsində hadisəni törədənin Çingiz İmanov adlı şəxs olduğu müəyyən edilərək yaxalanıb.

Faktla əlaqədar cinayət işi başlanıb.

AzNews.az