“NİDA-ya qoşulmaq cavanlıq səhvim olub” - Elsevər Mürsəlli

Azərbaycan Prezidenti İlham Əliyevin 18 oktyabr Dövlət Müstəqilliyi günü münasibətilə imzaladığı əfv sərəncamı ilə NİDA-çı Elsevər Mürsəlli də azadlığa buraxılıb.

AzNews.az-ın əməkdaşının Azərbaycan Respublikası Ədliyyə Nazirliyinin 3 saylı İstintaq Təcridxanasından verdiyi xəbərə görə, Elsevər Mürsəlli NİDA-nın üzvü olduğunu etiraf edib: "NİDA-ya qoşulmaq cavanlıq səhvim olub".

Bu Təcridxanadan Eldar Şanılı adlı gənc də azadlığa çıxıb.

Qeyd edək ki, Prezident İlham Əliyev oktyabrın 17-də bir qrup məhkumun əfv olunması ilə bağlı sərəncam imzalayıb. Sərəncam ümumilikdə 84 nəfərə şamil edilib.


Xəyal Əzizov
AzNews.az