“Qarabağ” Suriya yığması ilə yoxlama oyunu keçirəcək

Avstriyada təlim-məşq toplanışında olan “Qarabağ” sabah növbəti yoxlama görüşündə qüvvəsini sınayacaq.

Apasport.az saytının klubun feysbuk səhifəsinə istinadən məlumatına görə, Ağdam təmsilçisi Suriya millisi ilə qarşılaşacaq.

Görüşün başlama saatı da artıq müəyyənləşib. Belə ki, oyunun start fiti Bakı vaxtı ilə 20:30-da səslənəcək.

Qeyd edək ki, “Qarabağ” Avstriya toplanışı çərçivəsində keçirdiyi ilk iki yoxlama matçında “Ludoqorets” (Bolqarıstan - 1:1) və “Vakker İnsbruk”la (Avstriya – 0:0) heç-heçə edib.

AzNews.az