"Azərbaycan azarkeşləri çox çılğındır" - Alman qapıçı

"Qarabağ"ın Avroliqadakı rəqiblərindən biri olan İngiltərənin "Arsenal" klubunun qapıçısı Bernd Leno püşkatmadan sonra qrupla bağlı danışıb.

AzNews.az klubun saytına istinadən xəbər verir ki, 26 yaşlı alman qolkiper 2018-ci il dünya çempionatının seçmə mərhələsində səfərdə Azərbaycanla oyunu xatırlayıb: "Meydan yaxşı vəziyyətdə, azarkeşlər də çılğın idi. Oyunçuların çoxunu tanımırdım, ancaq uzun və maraqlı səfər oldu".

Qeyd edək ki, ardıcıl 5-ci dəfə Avrokuboklarda oynamaq hüququ alan Ağdam təmsilçisi Avropa Liqasının E qrupundan çıxmaq üçün “Arsenal” (İngiltərə), “Sportinq” (Portuqaliya) və “Vorskla” (Ukrayna) klublarıyla mübarizə aparacaq.