Araz Abdullayev "Qarabağ"da - RƏSMİ

“Qarabağ” klubu Azərbaycan millisinin üzvü Araz Abdullayevi transfer edib.

AzNews.az xəbər verir ki, bu keçid transfer pəncərəsinin son günündə reallaşıb.

Müqavilə ilə Yunanıstanın “Panionios” klubuna məxsus olan A.Abdullayev növbəti iki mövsümü icarə əsasında “Qarabağ” komandasında keçirəcək.

İyirmi altı yaşlı futbolçu son mövsümü Kiprin “Anortosis” klubunda keçirib və meydana çıxdığı 30 oyunda 3 qol vurub.

Xatırladaq ki, “Qarabağ” klubu UEFA Avropa Liqasının play-off mərhələsinin cavab oyununda Moldovanın “Şerif” klubu üzərində 3:0 hesabı ilə qələbə qazanaraq iki oyunun nəticəsinə görə qrup mərhələsinə yüksəlib.

“Qarabağ” Avroliqanın qrup mərhələsində İngiltərənin “Arsenal”, Portuqaliyanın “Sportinq” və Ukraynanın “Vorskla” komandaları ilə birlikdə E qrupunda mübarizə aparacaq.