Slovakiyanın paytaxtı Bratislavada gənclər arasında cüdo üzrə Avropa birinciliyi start götürüb. Slovakiyanın paytaxtı Bratislavada gənclər arasında cüdo üzrə Avropa birinciliyi start götürüb.

Cüdoçularımız Avropa çempionatında 2 medal qazandılar

Slovakiyanın paytaxtı Bratislavada gənclər arasında cüdo üzrə Avropa birinciliyi start götürüb.


AzNews.az-ın Apasport.az-a istinadən məlumatına görə, yarışların ilk günü Azərbaycan cüdoçuları üçün uğurlu olub.

60 kq çəki dərəcəsində mübarizə aparan cüdoçumuz Davud Məmmədov qitə birinciliyində ilk görüşünü Kipr nümayəndəsi İrodotos Kelpisə qarşı keçirib. Rəqibini məğlub edən Azərbaycan cüdoçusu daha sonra rusiyalı Savva Karakizid, italyan Karmin di Lorento və bolqar Denislav İvanova qalib gələrək finala çıxıb. Davud Avropa çempionatının qızıl medalı uğrunda rusiyalı İslam Yaşuev ilə qarşılaşıb. Finalda məğlub olan cüdoçumuz gümüş medal qazanıb.

66 kq çəki dərəcəsində isə iki cüdoçumuz Avropa birinciliyində bürünc medal uğrunda mübarizə aparıb. Rəşad Rufullayev və Telman Vəliyev öz aralarındakı görüşdə 3-cü yerin sahibini müəyyənləşdirib. Bu dueldən Vəliyev qalib çıxıb. Bir faktı qeyd edək ki, Telman Vəliyev ilk görüşdə Litvanı təmsil edən erməni əsilli cüdoçu Teqran Qalustyanı udaraq yarışdan kənarlaşdırıb.

Daha bir cüdoçumuz da Slovakiyada bürünc medal uğrunda görüşə vəsiqə qazanıb. Qızlar arasında 48 kq çəki dərəcəsində mübarizə aparan Leyla Əliyeva medal qazanmaq üçün ispaniyalı Sinta Qarsiya ilə görüşüb. Qızıl xal uğrunda mübarizədə xəbərdarlıq alan Leyla birinciliyi 5-ci yerdə başa vurub.

Avropa birinciliyinin ilk günündə mübarizə aparan digər iki cüdoçumuz - Rüfət Tağızadə və Səkinə Zairova final mərhələsinə çıxa bilməyib.