12 nəfərin mindiyi avtomobil qəzaya düşdü: 2 ölü, 9 yaralı var - İranda

Avtomobilin sürücüsü isə hadisə yerindən qaçıb.

İranın Kirman vilayətinin Rabor-Hənza yolunda "Peugeot 405" markalı avtomobil qəzaya uğrayıb.

Kirman vilayətinin Rabor rayonu hüquq-mühafizə orqanının rəisi polkovnik Həmid Nasiri bildirib ki, qəza nəticəsində 2 nəfər ölüb, 9 nəfər yaralanıb. Ümumilikdə avtomobildə 12 nəfərin olduğu bildirilir.

H.Nasirinin sözlərinə görə, yaralılar xəstəxanaya yerləşdirilib. Avtomobilin sürücüsü isə hadisə yerindən qaçıb. Yaralıların Əfqanıstan vətəndaşları olduğu bildirilir.

İlkin ehtimal olaraq hadisənin yüksək sürət səbəbindən baş verməsi qeyd edilir. Araşdırma aparılır. (Trend)