3 il əvvəl itkin düşən şəxs haqda təfərrüat - Arvadı və oğlu tərəfindən yandırılıb, külü isə...

Neftçala rayonunda qətli törətməkdə şübhəli bilinən ailə üzvləri saxlanılıb.


APA-nın Mil-Muğan bürosunun məlumatına görə, 2013-cü ilin iyul ayında itkin düşən 1961-ci il təvəllüdlü Heybətov Aydın Dəmir oğlunun qətlə yetirildiyi məlum olub.

Neftçala rayonu Yuxarı Qaraymanlı kənd sakini Dəmir Heybətovun şikayəti əsasında aparılan istintaq zamanı məlum olub ki, adı çəkilən şəxs həyat yoldaşı və övladı tərəfindən qətlə yetirilib. Həmin ayda qətlə yetirilən A.Heybətovun meyiti yandırılıb və daha sonra qalıqları Kür çayına atılıb.

Mərhumun qətli törətməkdə şübhəli bilinən həyat yoldaşı, 1962-ci il təvəllüdlü Heybətova Tükəzban Habil qızı və oğlu, 1992-ci il təvəllüdlü Heybətov Emil Aydın oğlu polis tərəfindən saxlanılıb.

Faktla bağlı Neftçala rayon Prokurorluğunda cinayət işi açılıb, araşdırma aparılır.

AzNews.az