Cəlilabad sakininin evi yarıldı - 5 min oğurlandı

Cəlilabadda kəndə, toy mərasiminə gedən rayon sakininin evindən oğurluq edilib.

"Report"un Aran bürosu xəbər verir ki, hadisə rayonun Cavad Xan küçəsində baş verib.

Həmin küçədə yaşayan Gülpaşa Ağayevin ailə üzvlərinin evdə olmamasından istifadə edən naməlum şəxs və ya şəxslər pəncərəni sındırmaqla evə daxil olaraq, qızıl-zinət əşyaları, pul, kompyüter və oyun diskləri oğurlayıblar.

Ev sahibinə ümumilikdə 5 min manata yaxın maddi ziyan dəyib.

Faktla bağlı polisə məlumat verilib. Hadisəni törədənlərin tapılması istiqamətində araşdırmalar davam etdirilir.

AzNews.az