Biri maqnitofon oğurladı, digəri isə bıçaqladı

Dünən ölkədə 2 nəfər cinayətkar yaxalanıb.

Daxili İşlər Nazirliyinin mətbuat xidmətindən AzNews.az –a verilən məlumata görə, yaxalanan şəxslərdən biri Avtomobildən maqnitofon oğurlamış Cəlilabad rayon sakini Rəmzi Feyzullayevdir.

Məlumata görə, sözgüdən şəxs Fikrət Əhədova məxsus "VAZ-2106" markalı avtomobildən maqnitofon oğurlayıb. Cəlilabad RPŞ əməkdaşlarının həyata keçirdikləri əməliyyat-axtarış tədbirləri nəticəsində oğurluq etmiş rayon sakini tutulub.

***

DİN-in digər məlumatına görə, Nurlan Aslanov adlı şəxsə bıçaqla xəsarət yetirmiş Gədəbəy rayonunun Arıqıran kənd sakini İlqar Nəbiyev tutulub.

Gədəbəy RPŞ əməkdaşlarının həyata keçirdikləri əməliyyat-axtarış tədbirləri nəticəsində aprelin 15-də Nurlan Aslanova bıçaqla xəsarət yetirməklə sağlamlığına ağır zərər vurmuş Arıqıran kənd sakini İlqar Nəbiyev tutulub.