BBC-nin binası hotel oldu

Britaniyanın dünyaca məşhur BBC telekompaniyasının köhnə ofisi olmuş bina dəbdəbəli hotelə çevrilib. Binanın rekonstruksiyasına 5 milyon avro xərclənib. Hazırda "The Wood Norton" adı ilə hotel kimi fəaliyyət göstərəcək tikilidə 50 nömrə və restoran var.

Qeyd edək ki, Britaniyanın Vusterşir qraflığında yerləşən bina İkinci Dünya Müharibəsi dönəmində BBC-nin informasiyanın yayılması mərkəzi kimi fəaliyyət göstərib. 1897-ci ildə tikilmiş bina həmin vaxt ovçuluq pavilyonu olub. 1939-cu ildə tikilini BBC almışdı.

AzNews.az