Ən nüfuzlu kompaniyalar bəlli oldu

Dünyanın 20 ən nüfuzlu kompaniyasının adı açıqlanıb. "Reputation Institute" portalının apardığı araşdırmaya əsasən, siyahıda yer alan kompaniyaların etimad və etibarlılıq meyarlarına daha çox diqqət yetirilib. Araşdırma zamanı 15 ölkədə 55 mindən artıq istehlakçı arasında sorğu keçirilib.

Sorğunun nəticələrinə görə, avtomobil sənayesində şəriksiz və danılmaz lider alman istehsalçıları olan BMW və Volkswagen-dir. Elektronika bazarında aparıcı mövqelər asiyalı istehsalçılara məxsusdur. Sony, Canon və LG kimi kompaniyaların məhsulları hələ də istehlakçıların etibarını qazanmaqdadır.

İnternet-texnologiyaları sferasında isə liderlik amerikalılara məxsusdur. Google, Microsoft və Apple korporasiyaları ilk 20-liyə düşmüş texnologiya sektorunun yeganə təmsilçiləridir.

AzNews.az