Akademik Milli Dram Teatrı Cəlil Məmmədquluzadənin “Ölülər” əsərini səhnələşdirəcək. Akademik Milli Dram Teatrı Cəlil Məmmədquluzadənin “Ölülər” əsərini səhnələşdirəcək.

“Ölülər” yenidən – “Azdrama”da

Akademik Milli Dram Teatrı Cəlil Məmmədquluzadənin “Ölülər” əsərini səhnələşdirəcək.


Bu barədə AzNews.az-a teatrın aktyoru Elnar Qarayev məlumat verib. Bildirib ki, tamaşanın quruluşçu rejissoru teatrın direktoru və baş rejissoru Azər Paşa Nemətovdur. Tamaşada baş rol - Kefli İsgəndər obrazı E.Qarayevə həvalə olunub.

"Azər Paşa Nemətov bu rolu mənə və teatrın aktyoru Anar Heybətova həvalə etdi. Şeyx Nəsrullah rolunda isə Xalq artisti Nurəddin Mehdixanlı oynayacaq. Fevralın 2-dən artıq məşq prosesinə başlamışıq" - deyə, aktyor bildirib.

E.Qarayevin sözlərinə görə, rejissor Azər Paşa Nemətovun quruluş verdiyi "Ölülər" vaxtı ilə Akademik Milli Dram Teatrının repertuarında olan tamaşadan fərqlənəcək: "Hazırda axtarışlardayıq. Amma bu barədə danışmaq hələ tezdir. Hər halda fərqli bir tamaşa olacaq. İndi məşqlər bir istiqamətdə gedir. Ola bilər ki, yolun yarısından istiqamətimizi dəyişək".

E.Qarayev vurğulayıb ki, tamaşada bəstəkar Qara Qarayevin yazdığı musiqilərdən istifadə olunacaq. Tamaşada teatrın digər aktyorlarından olan Kazım Abdullayev, Əli Nur, Laləzar Mustafayeva, Hicran Nəsirova, Xədicə Novruzlu və başqaları rol alıb.

Tamaşanın aprel ayında tamaşaçılara təqdim olunacağı gözlənilir.

Bahar RÜSTƏMLİ
AzNews.az