“Hazırda neft qiymətləri qənaətbəxş səviyyədədir” - Nazir

“Azərbaycan OPEK+ sazişi imzalandıqdan bəri onun fəal iştirakçısıdır”

Hazırda neft qiymətləri qənaətbəxş səviyyədədir, dekabrda əldə olunmuş OPEK+ sazişinin icra səviyyəsi isə hər ay artır.

Bunu Azərbaycanın energetika naziri Pərviz Şahbazov SOCAR-ın IV “Xəzər və Mərkəzi Asiya: Neft emalı, Neft-kimya, Ticarət, Logistika” beynəlxalq forumunda deyib.

Onun sözlərinə görə, iyun ayında neft hasilatının azaldılması barədə yeni qərarın qəbul edilməsi bir sıra geosiyasi amillərdən, o cümlədən müəyyən mənada neftin kommersiya ehtiyatlarının azalma səviyyəsindən asılı olacaq:

“Azərbaycan OPEK+ sazişi imzalandıqdan bəri onun fəal iştirakçısıdır”.

Nazir əlavə edib ki, ötən il ölkənin mənfəət neftindən və qazdan gəlirləri 9,8 milyard dollara bərabər olub.(trend.az)

AzNews.az