“Müğənnilərimizin çoxu quyruq bulayır”-İTTİHAM

Xalq artisti Brilliant Dadaşova həmkarlarının əksəriyyətinin iç üzlərini açıqlayıb. AzNews.az-ın məlumatına görə, müğənni bu barədə "Facebook" sosial şəbəkəsindəki səhifəsində yazıb. O, daha çox fikri bugünkü səsyazma studiyaların fəaliyyətinə yönəldib.

"O vaxt cəmisi bircə dənə səsyazma studiyası var idi ki, o da dövlətin idi. İndiki kimi özəl studiyalar, kompüterlər, səsi düzəldən, səsə müxtəlif tembr və effektlər verən cihazlar yox idi. Hətta o vaxtı adlı-sanlı müğənnilərimizin çoxu mahnılarını gedib Moskva şəhərindəki səsyazma studiyasında oxuyub, yazdırırdılar. Konsertlərdə mütləq canlı ifa gərəkliydi. Bəlkə də elə ona görə, o vaxt indiki kimi oxuya bilməyənlər heç vaxt ortada quyruq bulaya bilməzdilər", - B.Dadaşova fikrini izah etməyə çalışıb.

Fuad Mədətov
AzNews.az