- Köhnə - Siyasət
- 26 Noyabr 2012 11:31
- 2 692
Yeni siyasi blok yaradılır
Birinci məsələ ilə bağlı çıxış edən VİP sədri Əli Əliyev prezident seçkilərinin yaxınlaşması kontekstində ölkənin çox həssas bir dönəmə daxil olduğunu diqqətə çatdıraraq, qarşıdakı dövrdə partiyanın fəaliyyətində çevikliyin artırılmasının vacibliyini önə çəkib.
Ə.Əliyev bu ərəfədə müəyyən daxili və xarici faktorların xüsusilə qabardılmasının səbəblərini, hakimiyyətin və müxalifət qüvvələrinin mövcud davranışlarını ətraflı təhlil edərək, VİP-in bu proseslərə münasibətini ifadə edib.
VİP sədri Ə.Əliyev daha sonra siyasi blokun yaradılması istiqamətində Ədalət və Yaşıllar partiyaları ilə aparılan danışıqlar haqqında məlumat verərək, nəzərdə tutulan blokun birgə hazırlanmış Əsasnaməsini Siyasi Şuranın müzakirəsinə təqdim edib. Bu məsələ ətrafında fikirlərini bildirən Siyasi Şura üzvləri üçtərəfli danışıqların müsbət nəticələnməsini təqdir edərək, sözügedən sənədin əsasən, qəbul olunmasına səs veriblər.
Partiyanın fəaliyyətinə dair cari məsələlərin müzakirəsi zamanı VİP-in fəaliyyətinin gücləndirilməsinə yönəlik əlavə təkliflər irəli sürülüb və bu çərçivədə partiya rəhbərliyinə daxil olan şəxslərin bölgələrə səfərlərinin təşkili məqsədəuyğun sayılıb.
İclasın sonunda müzakirə olunan məsələlərə dair müvafiq qərarlar qəbul olunub.
Vasif Həsənli
AzNews.az