Qusarda iki məktəbli yoxa çıxdı

Qusar rayonunda 14 yaşlı iki oğlan itkin düşüb. Qusar rayon Polis Şöbəsindən APA-nın şimal bürosuna verilən məlumata görə, Qusar rayonunun Həzrə kənd sakinləri, Monqolov İmran Vüqar oğlu və Babalıyev Rakim Hafiz oğlu noyabr ayının 27-də məktəbə getmək adı ilə yaşadığı evdən çıxıb, bir daha geri qayıtmayıblar.

Qusar rayon Polis Şöbəsinin əməkdaşları onların tapılması istiqamətində əməliyyat-axtarış tədbirləri həyata keçirirlər. Hər iki şəxs orta məktəb şagirdidir.

AzNews.az