Saakaşvili yürüş təşkil edəcək

Gürcüstanın keçmiş prezidenti və Ukraynanın Odessa bölgəsinin köhnə qubernatoru Mixail Saakaşvili fevral ayının 4-də Kiyevin mərkəzində yürüş keçirmək niyyətində olduğunu söyləyib.

AzNews.az xəbər verir ki, cümə günü Kiyev Apellyasiya Məhkəməsi Saakaşvili barəsində gecə saat 22.00-dan 07.00-dək ev həbsi şəklində qərar qəbul edib.

Məhkəmənin qərarına əsasən Saakaşvili Kiyevin mərkəzindəki Kostelnaya küçəsində 7 nömrəli kirayə mənzilində həbs müddətində qalacaq. Məhkəmə Saakaşvilinin cinayət təşkilatlarının iştirakçılarına yardım göstərilməsi və cinayətkar fəaliyyətlərini gizlətməkdə ittiham olunan cinayət işi çərçivəsində qərar qəbul edib.