Hava soyusa da yağış yağmayacaq

Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində əsasən yağmursuz keçəcəyi gözlənilir. Bu barədə məlumat Ekologiya və Təbii Sərvətlər Nazirliyi Milli Hidrometeorologiya Departamentindən verilib. Məlumata görə, şimal-qərb küləyi gündüz cənub küləyi ilə əvəz olunacaq. Havanın temperaturu gecə 15-20, gündüz 20-25 dərəcə isti təşkil edəcək.

Azərbaycanın rayonlarında da sabah gün ərzində havanın yağmursuz keçəcəyi gözlənilir. Şərq küləyinin sürəti saniyədə 5-10 metr təşkil edəcək. Temperaturu gecə 14-19, gündüz 25-30, dağlarda gecə 6-11, gündüz 15-20 dərəcə isti olacaq. Ümumilikdə isə respublika ərazisində hava şəraitinin mülayim keçəcəyi proqnozlaşdırılır.

Elnarə Əlosmanqızı
AzNews.az