Avtobus sürücüləri: Bizi dayanacağa girməyə qoymurlar - VİDEO

Avtobus sürücüləri taksi sürücülərindən, taksi sürücüləri isə qarşı tərəfdən gileylənirlər

Biləcəri dairəsi ərazisində cip tipli dayanacaqlar var. Hansı ki, həm dayanacaq var, həm də dayanacağın qarşısında xüsusi yollar ayrılıb ki, avtobuslar bu yola girib, sərnişinləri düşürdüb, mindirməlidir. Təəssüf ki, avtobuslar bu dayanacaqlardan istifadə etmir, yolun hərəkət hissəsində saxlayırlar. Hətta yolun üçüncü zolağında belə avtobuslar sərnişin düşürdürlər.

ARB TV əməkdaşları həmin ərazidə nə üçün avtobusların dayanacaqlarda deyil, yolun hərəkət hissəsində saxlaması məsələsini araşdırıb.

Avtobus sürücüsü: “Dayanacağa girə bilmirəm, taksilər oranı zəbt ediblər”.

Avtobus sürücüsü: “Biz dayanacaqdan istifadə edirik, dayanacaq buradır. Ora girmək olmur. Minik avtomobilləri bizi qoymur bizi ora girək. Baxın, görün “Baku Bus”lar harada dayanıb?”

Həqiqətən də ərazidə taksilərin dayandığının şahidi olmaq mümkündür. Bəs, görəsən taksi sürücüləri avtobus sürücülərini iddiaları ilə razıldırlarmı?

Taksi sürücüsü: “Avtobus heç bura girmir axı, bura girsəydi, təbii ki, taksi sürücüləri heç burada dayanmazdı”.

Sürücü: “Mən burada, Biləcərinin dairəsində taksi sürücülərində günah görmürəm”.

Avtobus sürücüləri taksi sürücülərindən, taksi sürücüləri isə qarşı tərəfdən gileylənirlər. Vəziyyətdən əziyyət çəkənlər isə sərnişinlərdir.

Məsələ ilə bağlı Bakı Nəqliyyat Agetliyindən bildirdilər ki, Biləcəri dairəsində yaşanan vəziyyət nəzarətə götürülüb. Dayanacaqda saxlayan taksi sürücüləri ərazidən kənarlaşdırılması və avtobusların dayanacağa cəlb olunmağı istiqamətində tez zamanda işlərə başlanılacaq.

AzNews.az