Çexiyada COVID-19-dan ölənlərin sayında rekord

Bu barədə ölkənin Səhiyyə Nazirliyi məlumat yayıb

Çexiyada çərşənbə günü 19 koronavirus xəstəsi ölüb ki, bu da ölkədə pandemiya dövründə gündəlik ölümün ən yüksək göstəricisi olub.

AzNews.az “rosbalt.ru”ya istinadən bildirir ki, bu barədə ölkənin Səhiyyə Nazirliyi məlumat yayıb.

Belə ki, avqustun sonları ilə müqayisədə ölkədə ağır xəstələrin sayı beş dəfə - 120 nəfərə qədər artıb. Ümumilikdə 28 933 nəfər koronavirus infeksiyasına yoluxub ki, onlardan da 670 nəfəri xəstəxanaya yerləşdirilib. Pandemiya ilə bağlı ölüm hallarının ümumi sayı 567 nəfərdir.