Tonqa Krallığı sahillərində güclü zəlzələ baş verib

Tonqa Krallığının ən böyük adası - Niuatoputapunun cənub sahillərində 6 maqnitudalı zəlzələ baş verib.

Aznews.az xəbər verir ki, bu barədə ABŞ-nin Geologiya Xidməti məlumat yayıb.

Məlumata görə, yeraltı təkanların episentri Hihifo şəhərindən 17 km cənub-qərbdə yerləşib. Zəlzələ ocağı təxminən 116 km dərinlikdə olub.

Dağıntı və xəsarət alanlar barədə məlumat daxil olmayıb. Sunami təhlükəsi elan edilməyib.