Təhlükəsiz keçid üçün mexanizm hazırlamaq İran və Omanın vəzifəsidir.
Aznews.az xəbər verir ki, bu barədə İran Xarici İşlər Nazirliyinin sözçüsü İsmayıl Bəqai bugünkü brifinqdə bildirib.
Onun sözlərinə görə, İran və Omanın gəmilərin təhlükəsiz keçidi üçün protokol hazırlaması məsuliyyətli addımdır.
XİN sözçüsü deyib ki, Tehran hazırda məhz bu istiqamətdə çalışır və bu mexanizmin mümkün qədər tez tətbiq olunması üçün bütün tərəflərlə təmasdadır.
Bəqai qeyd edib ki, Tehran Hörmüz boğazında rüsum almır və belə bir məqsəd güdmür.
O əlavə edib ki, Hörmüz boğazı, Fars körfəzi və Oman dənizinin ətraf mühitinin qorunması üçün zəruri tədbirlərlə yanaşı, naviqasiya xidmətləri də müəyyən ödənişlərin toplanmasını tələb edir.