- Göz önü
- 11 Dekabr 2019 19:10
- 2 573
Azərbaycan-Rusiya İşgüzar Şurasının yeni tərkibdə ilk iclasının vaxtı açıqlandı
"Bu gün 145 şirkət və təşkilat Şuranın üzvüdür"
"Azərbaycanla Rusiya arasındakı münasibətlərdə iqtisadi əməkdaşlıq öncül əhəmiyyətə malikdir".
Bu barədə Azərbaycan – Rusiya İşgüzar Şurasının Bakıda keçirilən iclasında İdarə Heyətinin sədri Səməd Qurbanov bildirib.
S.Qurbanov həmin əməkdaşlığın inkişafında, iki ölkə arasında ticarət dövriyyəsinin artmasında Şuranın fəaliyyətinin əhəmiyyətini qeyd edib.
“Bu il Azərbaycan – Rusiya İşgüzar Şurasının altı iclasını keçirmişik, üzvlərin sayı artıb. Bu gün 145 şirkət və təşkilat Şuranın üzvüdür. Gələn ilin əvvəlində Şuranın yeni tərkibdə ilk iclasını keçirəcəyik”, – Şuranın sədri bildirib.
Onun sözlərinə görə, həmçinin Azərbaycan – Rusiya İşgüzar Şurasının Turizm Komissiyasının da iclası gələn ilin əvvəllərində keçiriləcək.(report.az)
AzNews.az