Xüsusi xidmət orqanlarının fəaliyyəti ilə bağlı Xüsusi xidmət orqanlarının fəaliyyəti ilə bağlı

Azərbaycan Prezidenti sirli mesaj verib

Xüsusi xidmət orqanlarının fəaliyyəti ilə bağlı

Azərbaycan Respublikasının Prezidenti İlham Əliyev sentyabrın 19-da Heydər Əliyev adına Bakı dərin özüllər zavodunda “Abşeron” yatağının dəniz əməliyyatlarının təməlqoyma mərasimində iştirak edib.

Prezident burada televiziya jurnalistlərinə geniş müsahibə verib. Həmin müsahibədə o, ölkə iqtisadiyyatı, Dağlıq Qarabağ məsələsi, Ermənistanın yeni müharibə hazırlıqları, yeni təxribatları ilə bağlı məsələlərə xüsusi yer ayırıb. Müsahibə ölkə ictimaiyyəti və siyasi düşərgələr tərəfindən böyük maraqla qarşılanıb. Media da bu ictimai marağı və əhəmiyyəti nəzərə alaraq dövlət başçısının müsahibəsinə geniş yer verməkdədir.

Prezident İlham Əliyevin hadisə xarakterli müsahibəsində bir məqam diqqətimizi çəkdi. Fikrimizcə, burada Prezident Azərbaycanın xüsusi xidmət orqanlarının fəaliyyəti haqqında şifrəli mesaj verib. O həm ictimaiyyətə, həm də opponentlərinə - düşmənlərimizə xitabən "Biz bilirik, bizim ətrafımızda nələr baş verir, bizim xüsusi xidmət orqanlarımız çox səmərəli işləyirlər", - deyib.

Videodan da göründüyü kimi, bu ümumi ismarıcdan sonra Prezident "...bundan artıq deyə bilmərəm", - deyə, sirli şəkildə gülümsəyir və qalib əda ilə başqa mövzuya keçir...

Burada həm dosta, həm də düşmənə verilən, hər kəsin öz payını götürə biləcəyi önəmli mesajların olduğu şübhəsizdir. Prezident öz iqtidarının mühüm bir elementini təsadüfən bu cür səxavətlə tərifləməz. Önəmli bir fəaliyyət, xüsusi bir nəticə olmasaydı, ondan razılığını bu cür açıq ifadə etməzdi.

Regiondakı gərgin vəziyyət, son aylarda Ermənistan silahlı qüvvələrinin aktivləşməsi və bəzi dövlətlərin Azərbaycanla bağlı oyunları fonunda Prezidentin bu mesajları nələrdən xəbər verir? Onun demədikləri hansı gələcək hadisənin anonsudur? (Musavat.com)

AzNews.az