Prezident İlham Əliyevə və Birinci vitse-prezident Mehriban Əliyevaya minnətdarlığımızı bildiririk Prezident İlham Əliyevə və Birinci vitse-prezident Mehriban Əliyevaya minnətdarlığımızı bildiririk

Şeyx: "İlk dəfədir ki, din xadimi Birinci Fəxri xiyabanda dəfn olunur"

Prezident İlham Əliyevə və Birinci vitse-prezident Mehriban Əliyevaya minnətdarlığımızı bildiririk

“Rus Pravoslav Kilsəsinin Bakı və Azərbaycan Yeparxiyasının sabiq arxiyepiskopu Aleksandr İşein (Aleksandr Ata) Qarabağla, Xocalı faciəsi ilə bağlı həqiqətlərin dünyaya çatdırılmasında böyük rol oynayıb. O, özünü Azərbaycanı sevən böyük insan idi”.

AzNews.az-ın məlumatına görə, bunu bu gün jurnalistlərə açıqlamasında Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə bildirib.

QMİ sədri deyib ki, Aleksandr Ata hər zaman Allahın ona Azərbaycan torpaqlarının işğaldan azad edilməsini görməyi nəsib etməsini istəyib, bununla bağlı dualar edib:

“Aleksandr Azərbaycan torpaqlarının işğaldan azad edilməsini gördü. Amma heyf ki, bu gün o, bizim aramızda deyil. Aleksandr Atanın hər zaman Ümummilli lider Heydər Əliyev və Prezident İlham Əliyevlə söhbətlərindən fəxrlə danışardı. Ruhu şad olsun. İnanıram ki, Aleksandr Ata dünyadan köçsə də, “Rus Pravoslav Kilsəsi ilə dostluq münasibətləri davam edəcək. Bu gün Aleksandr Atanın Birinci Fəxri xiyabanda dəfn edilməsi də dövlət-din münasibətlərinin göstəricisidir. Tarixdə ilk dəfədir ki, din xadimi Birinci Fəxri xiyabanda dəfn olunur. Ona görə də biz dindarlar, din xadimləri olmaqla, Prezident İlham Əliyevə və Birinci vitse-prezident Mehriban Əliyevaya minnətdarlığımızı bildiririk. O cümlədən Pravoslav Kilsəsinin nümayəndələrinin də dəfn mərasimində iştirak etməsi böyük etimaddır. Bu, həm də Aleksandr Atanın böyük hörmətinin göstəricisidir. Biz ümid edirik ki, bu əlaqələr gələcəkdə də davam edəcək ”.