Uşağını alış-veriş mərkəzində tərk edən ana tapıldı

Gamze Nur üzülərək oğluna baxa bilmədiyini deyib.

Türkiyənin Bursa şəhərində alış-veriş mərkəzində oğlunun cibinə məktub qoyub onu tərk edən ana oteldə saxlanılıb.

AzNews.az Türkiyə mətbuatına istinadla xəbər verir ki, bir neçə gün əvvəl 3 yaşlı oğlu Hamzanı ona baxmağa imkanı olmadığı üçün tərk edən Gamze Nur ofisiant işlədiyi oteldə saxlanılıb. Polis bölməsinə gətirilərək izahatı alınan Gamze Nur üzülərək oğluna baxa bilmədiyini deyib.

Gamze Nurun təxminən bir il əvvəl də oğlu Hamzanı Uşaqlar evinə verdiyi və daha sonra peşman olub geri aldığı öyrənilib.

Hamza yenidən Uşaqlar evinə yerləşdirilib.

Nigar CƏFƏR

AzNews.az