İraqın şimalında Türkiyə hərbçisi şəhid oldu

Terrorçular yol çəkən fəhlələrə və Sera Batin bölgəsindəki hərbi bazaya hücum ediblər.

İraqın şimalında terrorçu PKK-nın Türkiyə hərbçilərinə hücumu nəticəsində bir hərbçi şəhid olub.

Məlumatı Türkiyə Milli Müdafiə Nazirliyi yayıb.

Bildirilib ki, hadisə mayın 24-də İraqın şimalında Dərəcik rayonunda, Avaşin-Basian bölgəsində 2 550 metr yüksəklikdə baş verib. Terrorçular yol çəkən fəhlələrə və Sera Batin bölgəsindəki hərbi bazaya hücum ediblər.

Terrorçuların aşkar edildiyi bölgə atəşə tutulub. Ərazidə havadan dəstəklənən antiterror əməliyyatı davam edir. (report)

AzNews.az