Qazaxıstandakı seçki məntəqələrində səsvermə başa çatdı

Azərbaycan Konstitusiyasında əlavə və dəyişikliklər edilməsi məqsədilə keçirilən referendumla əlaqədar ölkəmizin Qazaxıstandakı səfirliyində, Almatı və Aktau şəhərlərində yaradılan seçki məntəqələrində səsvermə başa çatıb.

Məntəqədə komissiya üzvləri nəzarətçilərin və müşahidəçilərin iştirakı ilə seçki qutularını açıb bülletenləri hesablayaraq protokollaşdırıblar.

Bülletenlərin sayı və hesablamanın nəticələri haqqında Mərkəzi Seçki Komissiyasına məlumat verilib.

Azərtac