Səidə Sultanın borc qalmaqalı: avtomobili əlindən alınır

Tanınmış müğənni Səidə Sultanla “Bank Respublika” arasında qalmaqal yaşanıb.

AzNews.az-ın məlumatına görə, buna səbəb bankın Badamdar filialından götürdüyü krediti ödəməməyi olub.

Aylıq pulları vaxtı-vaxtında ödəmədiyi üçün bank rəhbərliyi onun barəsində sərt addımlar atmağa məcbur olub. Məlumatda qeyd edilir ki, bankın əməkdaşları müğənniyə bir neçə gün vaxt veriblər. Bildiriblər ki, bu vaxt ərzində banka olan borcları ödəməsə, girov qoyduğu avtomobili əlindən alınacaq.

Səidə Sultan AzNews.az-a açıqlamasında avtomobilinin "Bank Respublika"da kreditdə olduğunu təsdiqləyib: "Bəli, mənim bu bankda kreditim var. Düzdür, geçikmələrim də olur. Amma ödəyirəm. Ödəməm ayın əvvəlindədir. Gecikmə, mən Bakıda olmadığımdan baş vermişdi. Məsələni yoluna qoyacağam".

Lalə
AzNews.az