“Avropa Parlamentinin qərarı siyasi baxımdan çox zərərlidir”

“Avropa Parlamentinin "erməni soyqırımı" ilə bağlı qərarı elmi, tarixi baxımdan yanlış, siyasi baxımdan çox zərərlidir”.

Bunu AzNews.az-a Müsavat Partiyasının başqanı Arif Hacılı deyib.

Onun sözlərinə görə, bu qərar Avropa Birliyinin nüfuzuna sarsıdıcı zərbədir:
"Ermənistanın bu günki işğalçılıq siyasətinə dolayısı ilə haqq qazandırmaqla yanaşı, Qarabağ probleminin diplomatık üsullarla həlli yolunda daha bir maneə yaradır. İndiki həssas məqamda konfessiyalararası etimadı azaldır və bir çox dövlətlərin qərbin ikili standartlar tədbiq etdiyi barədə təbliğatına əsas verir. Avropa Parlamentinin bu qərarı həm də təhlükəsiz dünya, dincyanaşı yaşama, tolerantlıq kimi zəruri dəyərlərin inkişafına zərbədir".

Bahar RÜSTƏMLİ
AzNews.az