“Mercedes” dəmir çəpərə çırpıldı – Sürücü yaralandı

Bakı şəhərində "Mercedes" markalı minik avtomobili idarəetməni itirərək yolun kənarındakı dəmir çəpərə çırpılıb.

AzNews.az xəbər verir ki, hadisə Qaradağ rayonunda qeydə alınıb.

Qəza zamanı avtomobilin sürücüsü xəsarət alıb və nəqliyyat vasitəsində sıxılmış vəziyyətdə qalıb.

Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə sürücünü avtomobildən çıxarıblar.