19:40
(077) 610-22-33

Prokurorluqdan burun əməliyyatında baş verən ölümlə bağlı - Açıqlama

  • >
3 449 23 Avqust 2016 15:28 | Cəmiyyət

Gəncə şəhərində Aygül Orucovanın “Yeni Gəncə” tibb mərkəzində burundan estetik əməliyyat olunarkən vəfat etməsi hadisəsi ilə bağlı cinayət işi açılıb.


Prokurorluqdan AzNews.az-a bildirilir ki, avqustun 23-də Gəncə şəhər sakini, 1999-cu il təvəllüdlü Aygül Orucovanın "Yeni Gəncə" tibb mərkəzində burundan estetik əməliyyat olunarkən vəfat etməsi barədə Gəncə şəhər prokurorluğuna daxil olan məlumat araşdırılıb.

Araşdırma zamanı toplanan materialda A.Orucovanın ehtiyatsızlıqdan öldürülməsi cinayətinin əlamətləri mövcud olduğundan fakta görə şəhər prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsilə cinayət işi başlayıb.

Ölümün səbəblərinin müəyyən edilməsi üçün məhkəmə-tibbi ekspertizası təyin edilib və digər zəruri istintaq tədbirləri aparılıb.

Hazırda iş üzrə istintaq tədbirləri davam etdirilir.
Bağla X