00:42
(077) 610-22-33

Binəqədidə ərazini zibilləyən şəxslərin tapılması üçün polisə müraciət olunub

  • >
1 470 18 Avqust 2017 18:08 | Cəmiyyət

Ekologiya və Təbii Sərvətlər Nazirliyinə (ETSN) Binəqədi rayonu, Z. Bünyadov küçəsindən Xutor istiqamətində gedən avtomobil yolunun sol tərəfində tullantıların qalaqlanması ilə bağlı şikayət daxil olub.

AzNews.az ETSN-nin mətbuat xidmətinə istinadən xəbər verir ki, şikayət nazirliyin əməkdaşları tərəfindən yerində araşdırılıb.

Araşdırma zamanı Binəqədi rayonu, Z. Bünyadov küçəsindən Xutor istiqamətində gedən avtomobil yolunun sol tərəfində Eldar Babayev küçəsi 13 saylı evin yaxınlığında qarışıq istehsalat tullantıları, o cümlədən işlənmiş avtomobil təkərlərinin qalaqlandığı məlum olub.

Ərazinin tullantılardan təmizlənməsi üçün Binəqədi Rayon Mənzil Kommunal Təsərrüfat Birliyinin rəisi Azər Məmmədova icrası məcburi olan müddətli “məcburi göstəriş” verilib.

Ərazinin əvvəlki vəziyyətə gətirilməsi məqsədilə Binəqədi Rayon İcra Hakimiyyətinə, qeyri-qanuni tullantı atan şəxsləri müəyyən etmək üçün isə Binəqədi Rayon Polis İdarəsinə müraciət olunub.

Bağla X