Əfqanıstanda ikiqat terror - 51 ölü, 150 yaralı

Əfqanıstanda “canlı bomba”nın iştirakı ilə törədilən terror aktları nəticəsində ölənlərin sayı 50 nəfəri ötüb.

AzNews.az xarici KİV-lərə istinadən xəbər verir ki, son məlumatlara görə, paytaxt Kabulda terror qurbanlarının sayı 51 nəfərə çatıb, təxminən 150 insan yaralanıb.

“Canlı bomba” hökumət binası yaxınlığında partlayış törədib. Başqa bir terror aktı isə elə həmin küçədə bomba yüklü avtomobil vasitəsilə həyata keçirilib. Terrorçuların hədəfi Əfqanıstan parlamentinin əməkdaşları olub.

İkiqat terror aktına görə məsuliyyəti terrorçu "Taliban" hərəkatı öz üzərinə götürüb.

Aydan AXUNDOVA